jane kya sujhi mujhe
ke ja khola maine
woh kothe ka kamra
bahut waqt ho gaya shayd
yadon ki tarah
dhool si zam gayi hai sab jagah

haan kuch saman pada hai tera
adhjale cigrette ke tukde
kuch rakh bhi hai
silwate bhi hain bistar pe kuch
kiraye ke chand sikke bhi hain

ek adhura sher bhi baki hai
likha hai
"tujhe bhul jaun agar"
laga jaise aaj ke liye
likh choda tha tumne
yad aya ke koi apna bhi tha
ja garo ki bhati gaya tha
bin kuch bataye
bin kuch kahe

kabhi waqt mile to le jana
sahej ke rakh chodi hai main
sab amanat teri............

--aanch--

jugnu

chand bhi rutha
sitare bhi hai ruthe
aaj aasman se


mitane andhera
bharne ujala
main aanchal me
kuch jugnu layi huu.n

kuch ambar me sajaye hain
kuch piya ke ghar hai.n

ek dil ki dehlij pe rakh choda hai
is ummed pe
ke
tu aaye milan ko
aur andheri me kahin tujhko
mera dil na dikhayi de.......


----aanch--